Tuesday - February 7, 2012 7:59 PM
Today's Punto
ADVERTISEMENT
Opinion
Nicolasa Dayrit Y Pamintuan, bayaning Kapampangan
By Felix M. Garcia
Sep 10, 2010
(Kaugne ning pamagmasusi ning Siyudad San Fernando (P) king pang-136 nang banuang aldo kebaitan Nicolasa P. Dayrit, a merapat king solar na mismu ning bale sintungan na ning melapupuring bayani, lele ning ngeni pun tanggapan ning PLDT king mesabing siyudad, iting kawatasan a ginale na ning kekong talisuyu para king mesabing okasyon ya pamung yampang na banting manaliwa pamisan-misan ing malyari tang’ apamasan)
Ing a dyes na ning Setyembre, nung lon me keng kalendaryu
Aldo yang kapyestan nang San Nicolas de Tolentino;
Antimurin ing petsang yan, bukud king mesabing Santu,
Atin pang maulang bage sukat pagmasusian tamu
Yan e bilang Katoliku, nune bilang Fernandino,
Makapelam king meging bie na ning ilustradang tau
A kekatang parangalan ngeni keti San Fernando
King aldo nang kebaitan, antimong anibersaryu.
Ngening pang-dinalan ampon atlung pulu’t anam na nang
Banuang kebaitan niting bayani ning Indung Tibuan
A meging mapuring anak ning mal tamung lalawigan
King maulang pepilan na king mabie kasalesayan;
Bista’t metung yang babai, ing sabla e na pikabyang
Gewa na ngan ing agyu na para king mal tang’ balayan
Banting makasuyung ganap at lubus nang agampanan
Ing nanu mang malyari nang asaup king Himagsikan.
Laban karing mapaniakup a keti migsamantala
King egana-ganang bage, pati na pa ing upaya
A kekatamu simsam da ding masangil a Kastila
Inyang ilang gugubyernu king sarili tamung bansa;
Makanyan lang migkapilit migkalag king tanikala
Ning pangayalipan ding menimunang meki-digma
Ban keta ing katimawan ayatbus dang pawas, daya
Karing gamat da ring daywan a kekata migpasasa.
At nu’ agyang nung wari sa’ kanyang kristal a balbalin
Peligroso keng bili na ing munta keta at karin,
Pauli ning babai yang kasing selan ning salamin
A malyaring mikalamat keng gamat da ring salarin,
Iti e na pikanlapan nune bagkus sindu na rin
Ing imbut nang makasuyu at ayampang antimurin
Keng kimutan ing agyu na at ken partikular na pin,
Ing lingapan la at uluan ding salunan at mebaril.
Ing pekamatinding diling kapagsubukan a miras
King tepangan a bitbit na, inyang mabnu lang mikaras
Di Antonio Luna ilang Maskardo, king e metupad
A utos na, nining Luna, a meging sangkan at sukat
Ning malaguang pangalupig ding magbante karin Bagbag
Laban king puersang Kastila, a karelang pipagkasias;
Dapot kapamilatan nang Nicolasa, yan meyampat
Inyang ikua nang apasbu ing mua rang mikakalabkab!
At ikua nang asalese ing karelang pisunggalit
King masampat a paralan bista’t asna king kasakit;
Makanyan ya katatag y Donya Nicolasa Dayrit
A ngeni pagmasusian ta’ ing Aldo nang panga-bait,
Bukud karing aliwa pang kabalen tang’ masalpitik,
A sukat kilalanan king kabayanian dang pepakit;
Uling karapat-dapat mu at karela mangaintulid
Ing antiting selebrasyon a e sukat mipagkait;
Bilang panalala tamu karing pati bie ra mibwis
Ban ing lubus katimawan matagumpe tang’ akamit;
Inya naman, oyan ngeni, pauli ning malasakit
At pakamal na kareting Mayor Oscar S. Rodriguez,
Maging karin king Heroes Hall, e la kabud pakasabit
Ding larawan da ri Ninoy, Abad Santos, Rizal, Dayrit
Nune pati monumento nang Hilario at Gat Andres
Ampon aliwang kalipi / atilu ken, mayayakit!
Ing a dyes na ning Setyembre, nung lon me keng kalendaryu
Aldo yang kapyestan nang San Nicolas de Tolentino;
Antimurin ing petsang yan, bukud king mesabing Santu,
Atin pang maulang bage sukat pagmasusian tamu
Yan e bilang Katoliku, nune bilang Fernandino,
Makapelam king meging bie na ning ilustradang tau
A kekatang parangalan ngeni keti San Fernando
King aldo nang kebaitan, antimong anibersaryu.
Ngening pang-dinalan ampon atlung pulu’t anam na nang
Banuang kebaitan niting bayani ning Indung Tibuan
A meging mapuring anak ning mal tamung lalawigan
King maulang pepilan na king mabie kasalesayan;
Bista’t metung yang babai, ing sabla e na pikabyang
Gewa na ngan ing agyu na para king mal tang’ balayan
Banting makasuyung ganap at lubus nang agampanan
Ing nanu mang malyari nang asaup king Himagsikan.
Laban karing mapaniakup a keti migsamantala
King egana-ganang bage, pati na pa ing upaya
A kekatamu simsam da ding masangil a Kastila
Inyang ilang gugubyernu king sarili tamung bansa;
Makanyan lang migkapilit migkalag king tanikala
Ning pangayalipan ding menimunang meki-digma
Ban keta ing katimawan ayatbus dang pawas, daya
Karing gamat da ring daywan a kekata migpasasa.
At nu’ agyang nung wari sa’ kanyang kristal a balbalin
Peligroso keng bili na ing munta keta at karin,
Pauli ning babai yang kasing selan ning salamin
A malyaring mikalamat keng gamat da ring salarin,
Iti e na pikanlapan nune bagkus sindu na rin
Ing imbut nang makasuyu at ayampang antimurin
Keng kimutan ing agyu na at ken partikular na pin,
Ing lingapan la at uluan ding salunan at mebaril.
Ing pekamatinding diling kapagsubukan a miras
King tepangan a bitbit na, inyang mabnu lang mikaras
Di Antonio Luna ilang Maskardo, king e metupad
A utos na, nining Luna, a meging sangkan at sukat
Ning malaguang pangalupig ding magbante karin Bagbag
Laban king puersang Kastila, a karelang pipagkasias;
Dapot kapamilatan nang Nicolasa, yan meyampat
Inyang ikua nang apasbu ing mua rang mikakalabkab!
At ikua nang asalese ing karelang pisunggalit
King masampat a paralan bista’t asna king kasakit;
Makanyan ya katatag y Donya Nicolasa Dayrit
A ngeni pagmasusian ta’ ing Aldo nang panga-bait,
Bukud karing aliwa pang kabalen tang’ masalpitik,
A sukat kilalanan king kabayanian dang pepakit;
Uling karapat-dapat mu at karela mangaintulid
Ing antiting selebrasyon a e sukat mipagkait;
Bilang panalala tamu karing pati bie ra mibwis
Ban ing lubus katimawan matagumpe tang’ akamit;
Inya naman, oyan ngeni, pauli ning malasakit
At pakamal na kareting Mayor Oscar S. Rodriguez,
Maging karin king Heroes Hall, e la kabud pakasabit
Ding larawan da ri Ninoy, Abad Santos, Rizal, Dayrit
Nune pati monumento nang Hilario at Gat Andres
Ampon aliwang kalipi / atilu ken, mayayakit!
- Gas-trapped
- Look at the brighter side
- Ing bie tsuper
- Extravaganza
- Mining: To ban or not to ban
- ‘Plunder case’ laban kay Lapid, posibleng buhayin ulit
- Today in history
The Music dies in an Iowa cornfield - Mind-blowing
- Ang pagbabalik ng gobyerno sa power generation
- Lumalaon di umiigi, sumasama pa sa dati
- Today in history
Columbia mission ends in disaster - Spare media
|
||
|
||
|
ADVERTISEMENT
